यहाँ तपाईंका लागि विशेष रूपमा तयार गरिएका पाठ्यक्रमहरू उपलब्ध छन्—जसमा नागरिक शिक्षा (Civic Education), सीप अभिवृद्धि (Skill Enhancements) र डिजिटल साक्षरता(Digital Literacy) प्रमुख छन्। यी पाठ्यक्रमहरूले तपाईंलाई अमेरिकी समाजमा प्रभावकारी रूपमा योगदान पुर्याउन, नयाँ अवसरहरू पहिचान गर्न र समुदायसँग बलियो गरी जोडिन सहयोग गर्नेछन्। यस केन्द्रमा जोडिएर, तपाईं आफ्नो क्षमतामा विश्वास बढाउन सक्नुहुन्छ र सुरक्षित तथा सफल भविष्यको लागि बलियो आधार तयार पार्न सक्नुहुन्छ।
Civic Education
यस पाठ्यक्रमले अमेरिका बसोबास गर्ने नेपाली समुदायलाई नागरिक अधिकार, जिम्मेवारी, र सरकारी प्रणालीको आधारभूत ज्ञान प्रदान गर्ने उद्देश्य राख्छ। यहाँ मतदान प्रक्रिया, स्थानीय र राज्य सरकारको संरचना, कानूनी अधिकार, र नागरिक सहभागिताका तरिकाहरू सिक्न सकिन्छ। यसले तपाईंलाई समाजमा सक्रिय भूमिका खेल्न र आफ्नो आवाज प्रभावकारी रूपमा उठाउन सक्षम बनाउनेछ।
Digital Literacy
यस पाठ्यक्रमले तपाईंलाई डिजिटल संसारमा आत्मविश्वासपूर्वक अघि बढ्न आवश्यक आधारभूतदेखि उन्नतसम्मका सीपहरू प्रदान गर्दछ। यहाँ सुरक्षित रूपमा इन्टरनेट प्रयोग गर्ने तरिका, ईमेल र सामाजिक सञ्जाल सञ्चालन, अनलाइन सेवाहरू पहुँच गर्ने, तथा दैनिक जीवनमै प्रयोग हुने डिजिटल उपकरणहरू बुझ्न सकिन्छ। यो पाठ्यक्रमले तपाईंलाई प्रविधिसँग सहज बनाउने मात्र होइन, काम, अध्ययन र समुदायसँग जोडिन थप अवसरहरू पनि खुला गरिदिन्छ।
Skill Enhancements
यस पाठ्यक्रमले तपाईंलाई व्यक्तिगत तथा व्यावसायिक जीवनमा प्रयोगगरिन सकिने व्यवहारिक सीपहरूमा सक्षम बनाउने उद्देश्य राख्छ। यहाँ संचार कौशल, समस्या समाधान, समय व्यवस्थापन, कार्यस्थलका आधारभूत संस्कार, र करियर–उन्मुख सीपहरू सिक्न सकिन्छ। यी सीपहरूले तपाईंलाई रोजगारीका अवसरहरूमा प्रतिस्पर्धी बनाउँछ, आत्मविश्वास बढाउँछ, र अमेरिकामा आफ्नो भविष्य अझ मजबुत बनाउन सहयोग पुर्याउँछ।